Category:

Ċajt ta’ Klassi u battuti oħra

25.00

Aktar minn 270 aneddotu, praspura, ċajt, battuti, bawxati u mumenti oħra ħelwin li jgħaddu minnhom l-għalliema u edukaturi fil-ħidma tagħhom ta’ kuljum miġbura minn Bertram Portelli. 30 karikatura minn Mark Schembri fosthom ta’ għalliema li huma wkoll awturi, atturi, kantanti, illużjonisti…

 

 

  • Author:Bertram Portelli
  • Format:-
  • Pages:224
  • Year:-
  • ISBN:978-99957-50-75-6
  • Dimensions:245 × 168 cm | 1100g
  • Social Share:

Description

Ċajt ta’ Klassi u battuti oħra hu ġabra ta‘ aktar minn 270 aneddotu, praspura, ċajt, battuti, bawxati u mumenti oħra ħelwin li jgħaddu minnhom l-għalliema u edukaturi fil-ħidma tagħhom ta’ kuljum. Huma jisimgħu minn kollox fil-klassi, u quddiemhom iseħħu affarijiet li żgur ma jkunu mniżżlin f’ebda pjan tal-lezzjoni. Kull rakkont imniżżel f’dan il-ktieb seħħ tassew u l-iskop tiegħu huwa li jnissel tbissima fuq fomm il-qarrejja. Għax, ngħiduha kif inhi, kif tista’ ma titbissimx meta student idaħħal f’rasu li se jaqagħlu xagħru u jmur jieħu l-parir ta’ għalliem fartas? Jew meta għalliem igerfex student ma’ ieħor u waqt jum il-ġenituri jibda jfaħħar student li qatt ma jagħmel xogħlu? X’jiġri meta għalliem jintebaħ li jkun nesa li kellu lezzjoni u jħalli l-ħobż jinxtewa fit-toaster biex imur jiġri fil-klassi? Inkella xi tkun ir-reazzjoni ta’ għalliema meta żewġ kollegi tagħha jżidulha lezzjoni oħra fit-timetable meta s-soltu ma jkollhiex lezzjoni? Timmaġina li studenta tal-primarja tiksi l-mejda kollha kemm hi santi qabel tibda l-eżami?

F’dan il-ktieb qed jiġu ppubblikati wkoll tweġibiet mill-aktar kreattivi li kitbu l-istudenti fil-homework jew inkella fil-karti tal-eżamijiet – tweġibiet li jmorru ħafna lil hinn minn dak li kien mistenni mill-istudenti!

Dan il-ktieb jinkludi wkoll ġrajjiet li seħħew lill-kantanti, atturi, illużjonisti, awturi … li huma wkoll għalliema.

Ċajt ta’ Klassi miġbur minn Bertram Portelli hu mżewwaq ukoll bi 30 karikatura magħmulha minn Mark Schembri.

Inħallu issa f’idejk biex taqbad dan il-ktieb, taqra u titbissem b’daċ-ċajt ta’ klassi, għax se taqra (u tara!) affarijiet li qatt ma bsart li jseħħu jew jingħadu.

 

 

Kotba f’din is-sensiela li jistgħu jinxtaw ukoll minn fuq www.kitegroup.com.mt

 

Nidħqu Bina Nfusna, Politika Bi Tbissima – Tonio Borg (stampat 3 darbiet)

Iċ-Ċirasa, Praspar u Avventuri – Mario Galea

Ċajt mis-Sagristija, u Bawxati Oħra – Josianne Camilleri (stampat darbtejn)

Praspar mill-Klinika, Doża ta’ Daħq – Marica Mizzi (stampat darbtejn)

Żelqiet Sportivi, u Ċajt Ieħor – Mario Pisani

Ġustizzja Bi Tbissima, Stejjer Umoristiċi – Tonio Borg

Ċajt ta’ Klassi, u Battuti Oħra – Bertram Portelli

Xenati minn fuq il-Palk, Ċajt ta’ wara l-Kwinti – Ron Briffa

 

 

Data tal-pubblikazzjoni L-Erbgħa 30 ta’ Ottubru 2019

Additional information

Weight 1100 g
Dimensions 245 × 168 cm

Reviews

There are no reviews yet.

Be the first to review “Ċajt ta’ Klassi u battuti oħra”

Your email address will not be published. Required fields are marked *

This site uses Akismet to reduce spam. Learn how your comment data is processed.

You may also like…