Miti Platoniċi, Joe Friggieri

Description

Dal-ktieb jiġbor flimkien ħdax mill-aktar miti magħrufa ta’ Platun, meħudin minn sebgħa mid-djalogi tiegħu. Platun kien iħares lejn il-mit bħala għodda ta’ persważjoni, strument li jwassal lil min jaqrah biex jikkonvinċi ruħu minn ċerti veritajiet u jifforma ‘stampa’ ta’ dak li jmur lilhinn mill-esperjenza. Ħafna minn dawn il-miti ħoloqhom Platun innifsu, u huma xhieda tal-ħiliet artistiċi u letterarji tiegħu.

Fl-ewwel paġni tal-ktieb, Joe Friggieri jagħti ħarsa lejn it-teoriji ewlenin ta’ Platun bil-ħsieb li jgħin lill-qarrej jifhem aħjar ir-rabta bejn il-miti u l-argumenti filosofiċi illustrati minnhom. Qabel kull mit, imbagħad, hemm nota li tqiegħed il-mit fil-kuntest tad-djalogu li jkun meħud minnu.