IL-MONUMENT TAL-ĦELSIEN, Mintoff u l-abbozzi tad-disinji ta’ Agius

Description

Dan il-ktieb miktub minn Lino Bianco hu rendikont komprensiv u analiżi dettaljata tal-abbozzi ta’ disinji kunċettwali preparatorji li saru mill-iskultur Anton Agius għall-Monument tal-Ħelsien fil Birgu. Ir-rakkont, għani u b’ħafna aspetti, tal-ħolqien tal-monument, idaħħlu fl-istorja, fil-kuntest politiku, fis-sinifikat ideoloġiku tiegħu, u f’moħħ il-Prim Ministru Mintoff, li kkummissjonah u kkonċepixxieh. Minbarra li janalizza l-abbozzi, Bianco jiddiskuti b’mod estensiv l-istil artistiku tal-monument u l-post magħżul. Jiddeskrivi wkoll ir-relazzjoni diffiċli bejn Agius u Mintoff, li bl-indħil kontinwu u l-interferenza diretta f’kollox, wassal lill-artist biex jiddikjara li dak kien ‘monument ta’ Mintoff ’.”

KENNETH WAIN
Professur Emeritu tal-Istudji Edukattivi, L-Università ta’ Malta, L-Imsida