George Abela, Qalb in-Nies

Description

George Abela, Qalb in-nies.  Ktieb dwar il-President George Abela, mit-tfulija sal-Presidenza.  L-istorja ta’ tifel, li ommu u missieru rabbew żewġt itfal oħra li sfaw bla ġenituri fi ċkunithom u li għamel żmien emigrant l-Awstralja mal-familja.  George Abela, l-avukat, fl-isport, fit-trejdunjonżimu, fil-politika, fil-volontarjat u President.

President li laqa’ lill-magħrufin u lill-imbikkmin.  Għex qalb in-nies.  F’qalb in-nies.

Taħt il-lenti ta’ min segwih, ħadem fil-qrib tiegħu jew analizzah.  Il-ktieb hu maqsum f’żewġ partijiet.  Andrew Azzopardi jikteb ġrajjet il-President wara li ltaqa’ u ddiskuta miegħu diversi temi u esperjenzi li għadda minnhom.  Segwih waqt attivitajiet uffiċjali u lil hinn mill-ħidma presidenzjali.  Tkellem ma’ nies li jafuh sew, b’kummenti tal-Prim Ministru Joseph Muscat, il-Kap tal-Oppożizzjoni Simon Busuttil u l-ex Prim Ministru Lawrence Gonzi li huma ppubblikati fil-ktieb.  George Abela, Qalb in-nies, jinkludi wkoll sensiela ta’ papers, minn persuni awtorevoli li janalizzaw il-ħidma li wettaq il-President f’oqsma differenti.

Data tal-Pubblikazzjoni 28 ta’ Marzu 2014