Shop

KTIEB ĠDID: Ġustizzja bi Tbissima, Stejjer Umoristiċi, miktub minn Tonio Borg

25.00

 

Illustrazzjonijiet ta’ Mark Schembri

 

 

Ċajt u avventuri li ġraw il-Qorti, fl-Awli tal-Maġistrati u l-Imħallfin u fl-Uffiċċji tal-Avukati. Idħaq b’dak li qatt ma smajt u qrajt qabel għaliex kulħadd prova jżommu sigriet!

 

Il-ktieb jinkludi dwetti li l-Imħallef Victor Caruana Colombo kien jikteb f’Sant’Ivo, il-qaddis patrun tal-avukati.

 

Category:

Description

 

 

Ġustizzja bi Tbissima, Stejjer Umoristiċi hu ġabra ta’ aneddoti u avventuri li ġraw fil-Qorti u fl-uffiċċji tal-avukati. Fil-veru sens tal-kelma l-avukati, il-maġistrati u l-imħallfin jaraw minn kollox quddiemhom: kawżi dwar klieb u qtates, ġlied bejn il-ġirien, argumenti dwar wirt, kwistjonijiet dwar tiġijiet u l-għarajjes, oġġetti personali u privati! Mill-għatba ’l ġewwa tal-Qorti ssib minn kollox, u f’dan il-ktieb se taqra dak li qatt ma jiġi rappurtat fil-gazzetti!

X’jigri meta xhud jgħid li jismu Lorry flok Lawrence, jew meta klijent jitlob li jinħareġ mandat ta’ benedizzjoni flok inibizzjoni? Jekk ikollok xi obbigazzjoni lejn avukat x’tip ta rigal tagħtih? X’jiġri meta l-klijenti jmorru jfittxu l-attwarju u ma jsibuhx? Jew meta operazzjoni biex jitranġa sider ma tirnexxix? X’kellha speċjali biex baqgħet tissemma l-mogħża Għawdxija? Kemm dam Imħallef li tilef proċess sakemm induna li kien qed ipoġġi fuqu? Anki Maġistrati u Mħallfin jiżżeffnu f’diversi stejjer umoristiċi.

F’dan il-ktieb qed jiġu ppubblikati wkoll għall-ewwel darba poeżiji li nkitbu waqt kawżi jaħarqu nar. Għall-ewwel darba wkoll qed jiġu ppubblikati d-dwetti li kien jikteb l-Imħallef Victor Caruana Colombo fl-okkażjoni tal-festa tal-qaddis patrun tal-avukati Sant’Ivo, meta ssir l-ikla tradizzjonali għall-avukati. F’dawn it-taqbiliet satiriċi, Victor Caruana Colombo ma jħallihiex lixxa lil membri tal-ġudikatura u avukati. L-Imħallef jagħraxhom, jinbixhom u jiġbdilhom saqajhom it-tnejn!

 

Il-ktieb jinkludi wkoll illustrazzjonijiet ta’ diversi Imħallfin, Maġistrati u Avukati. L-illustrazzjonijiet saru minn Mark Schembri.

 

Dan il-ktieb jingħaqad mas-sensiela ta’ kotba umoritiċi: Nidħqu Bina Nfusa (Tonio Borg) li ġie stampat għal 3 darbiet, Iċ-Ċirasa (Mario Galea), Ċajt mis-Sagristija (Josianne Camilleri), Praspar mill-Klinika (Marika Mizzi) u Żelqiet Sportivi (Mario Pisani).

 

Data tal-Pubblikazzjoni: 7 ta’ Novembru 2018

Specifications: 245 x 168mm | 288 pgs | Hardback

Reviews

There are no reviews yet.

Be the first to review “KTIEB ĠDID: Ġustizzja bi Tbissima, Stejjer Umoristiċi, miktub minn Tonio Borg”

Your email address will not be published. Required fields are marked *